קאזאלינו אן אל פרוגרסו.

קאזאלינו אן אל פרוגרסו.

שלום א תודוס. ב'וס קיירו קונתאר לו קה פאסי אייר דייא דה שבת. מי מוז'ר אוזה דה טלפ'וניאר קאדה שבת א סו ארמאנאס אי אצ'אן מואבת. אי קואנדו יאמו לא מאס צ'יקה לדישרון קה אסתה חזינה אן אוספיתאל איכילוב. סין פנסאר מוצ'ו מוס אנתרימוס אל אותו אי איידה א איכילוב. אקי תניאמוס סיילו קלרו אי סול מה יא סינתימוס אל רדיו קה אל נורתה אסתה קאיינדו לוביה אי אותרו און פוקו ב'ה אריב'אר אי א תל אביב. נו מוס דיו מיידו אי אסתה ראשון קאמינימוס רגולאר. אמה אסיגון פאסימוס מאס אדלאנתרה אנפסו לאלוב'יה אי דאונה סגונדה א אותרה סי פ'יזו מאס אי מאס פ'וארתה אי אל לאדו דה לה מטאורולוגית יא אב'יה מבול אסתה קה נו סה פודיה ב'יר דוס מתרוס אדלאנתרה. דספואס קה מאב'אנסי און פוקו אנתנדי קה יא פאסי לאנתראדה אל איילון, אי דצ'ידי דה אנתראר אל מסובין. אן בושקאנדו אסתה אנתראדה אנתנדי קה אי אסתה לפדריאי. בואנו דישה דה מי אנתרה מי תנגו לאנתראדה דה פתח-תקוה. קון אל בואן מזל מיו ראושי דה פאסאר אי אסתה! אגורה מקדו לאולתימה אוקאזיון דה פאסאר דה לאנתראדה דה קרית אריה. אי בנדיצ'ו אל דיו אסתה ב'יס נו מיירי אי תופי אל קאמינו סין פרובלמאס אסתה איכילוב אי מאנתרי אל פרימו "חניה".אל פאזב'אן א לאנתראדה מדישו "אונדה סיניור"? לה רספונדי אל אוספיתאל אל ב'יז'ה פ'ראב'וה, אל מדישו "אקי נו אס חניה פ'אזה פארסה סאלה אחוארה אי ב'אתה אל לאדרצ'ה מאנו איי ב'אס אתופאר חניה". בואנו, פ'יזה פארסה אריב'י אסתה לאסאלידה אמה לה קאלז'ה אסתאב'ה יינה קאלקאדה דה אותומובילס אי נו מדשאן פאסאר. נו אפ'יתו נאדה, נו אל "וינקלר" ני לוס סיניאלס קה פ'יזה א לוס שופ'ירס נדה, נו מדשאן פאסאר. אנתרימיינתס דה אתראס דה מי סה אנצ'ו אונה סירה דה אותומובילס אי דה אדלאנתרה נו סה פואדה קאמינאר, דה אתראס אסתאן צ'ופ'לאנדו אי דה אדלאנתרה נו אנפורתה א נינגונוס אי יו , לוס ניירב'וס אנפסארון אסוב'יר א לאקאב'סה. אן פ'ין קרידוס אמיגוס, ב'ידה קה סין "חוצפה" נו ב'ה אב'יר חיירה אב'אנסי אל אותו סין חשבון א נינגונוס אי צ'ופ'לאנדו דה אתראס אי דה אדלאנתרה מה אנקאשי אנתרה לוס אותומובילס. לאותרה חניה סה תופה סרקה אמה פארה פאסאר אסתוס פוקוס מתרוס סה קיירה מוצ'ו תיימפו. נו סה, אמה מה פארסיו קה תודה לג'נתה ב'יניירון מחסוס פארה מי קון תודוס לוס אותומובילס דאל פאיז ג'וסתו אונדו אסתו יו! בנדיצ'ו אל דיו קה ראושי דה אב'אנסאר אסתה קה אריב'י אל לאנתראדה אי אל שומר מה מירו אמי אי א מי מוז'ר אב'ריאו אל באגאז' אי מדשו אב'אנסאר. ב'ידה קה לוס קה פאסארון אדלאנתרה דה מי קה אסיגון פאסארון לא ביקורת סה לאס אב'ריאו אל מחסום דסויו. אי יו אריב'י אלאדו דאל מחסום מה נו סה אב'רה. המן, קה אס אסתו? אספרי אי אספרי אי נאדה אל מחסום נו סה מאניאה. אי קה ב'וס פארסה? אתראס דה מי סה אינצ'ו דה אותומובילס, דה אדלאנתרה אל מחסום נו סה אב'רה אי יו נו פואדו אב'אנסאר ני אדלאנתרה ני אתראס. איי אנקאלקאדו אנתרה לוס אותומובילס אי אל מחסום אי לאס צ'ופ'ליתאס דה לוס ניירב'וזוס שופ'ירס, אי לוס ניירב'וס מיאוס. אן פ'ין ב'ינו אל שומר אי מדיזה "קומו קיירס פאסאר סי נו תומאס בילייתו דה למאקינה"? דאונדה קה ספא יו קה איי מאקינה סי אסתאב'ה תאפאדה? אמה בנדיצ'ו אל קריאדור בנדיצ'ו אל, אי אסתו פאסו אי אריב'ימוס אל חניה אן בונורה. המשך יבוא.

קונתינואסיון.

מוס ארודאימוס איי אדיינתרו אסתה קה תופימוס לוגאר פארה אל אותו אי אגורה תנמוס אותרה בלה, קומו סה ססאלה דה אקי פארה פאסאר אל אוספיתאל? קאמינימוס פור אקי אי נו ב'ימוס סאלידה קאמינימוס פור איי לו מזמו. אנסינה אסתאמוס ארודאנדו איר אי ב'יניר אי נאדה, אי נו איי פרסונה פארה דמאנדאר, ני תאבלה קון דירקסיונס, נאדה, סולו אותומובילס אספ'אלתו אי פארס. אן סופיתו אריב'יו און אותו קון קואתרו פרסונאס אי פנסימוס קה מוס ב'ינו אל משיח. אל פונתו מה חואה אנדאיוס דמנאנדנדו איודו אמה איוס מה דמאנדארון אמי קומו סה סאלה דאקי! דצ'ידימוס דה איר אנג'ונתה, אי אונו תראב'ה פור אקי אל אותרו פור איי אסתה קה אנתנדי קה ב'ה סר מיז'ור קמינאר סולו. קאמינימוס אדלאנתרה אי אתראס א לאסתיידרה אי א לאדרצ'ה אי אן פ'ין תןפימוס אונה סאלידה. אמה קה סורפריז, מוס תופימוס אן קניון, סי קניון קון גרותאס אי רסתוראנס אי ג'וגתוס פארה קריאתורס. סולו אוספיתאל נו סתופה. אותרה ב'יס מוס ארודאימוס אסתה סב'ה און "אינפ'ורמאסיון" לה דמאנדי קומו ספואדה איר אל אוספיתאל לפ'ראב'ואה ב'ייז'ה אי אל מדישו "אסוב'יתה און פיאנו אי אנתראתה אל פואנתה (גשר) ב'אתה דרצ'ו אי איי לו ב'אס אתופאר. בואנו, אסובימוס אי אנתרימוס אל פואנתו קאמינימוס אי בושקאנדו אלגונה תאבלה קון דירקסיונס אמה נאדה. דמאנדימוס ג'ינתה קה אסתאן פאסאנדו אמה אי איוס אסתאן בושקאנדו קומו מוזותרוס. נו סתוםה נינגונו דה פרסונאל פארה דמאנדאר. אן סופיתו תופימוס אונה תאבלה אמה נו סאנתינדה נאדה אי אונדה אסתאמוס מוזותרוס. אן קואל פיאנו מוס תופאמוס אל סולו סאב'ה. אן קורתו, אסוב'ימוס אי אבאשימוס קאמינימוס אדלאנתרה אי אתראס אסתה קה ב'ימוס אונה מוז'ר דה פרסונאל אל פונתו לאפ'רימוס אי לאדשימוס אסתה קה מוס אקספליקו קלאראמתה קומו סה ב'אן א אסתה פ'ראב'וה ב'יאז'ה אי בנדיצ'ו אל דיו תופימוס אל לוגאר. דספואס דה אונה אורה מוס אנתרימוס אנדה לארמאנה.אל קאמינו דאן קאזה אסתה לחניה מוס תומו אונה אורה אי דלחניה אסתה לאודה דה לארמאנא תאמבין אונה אורה! אסתו אקונתנסה קואנדו און קאזאלינו סה אנקונתרה קון אל פרוגרסו. סי ב'וס פארסה קה יא סאסקאפו אסתה אב'אנתורה תיינש יירו. אייר קואנדו מתורני אן קאזה מאסנתי פארה אסקריב'ר אסתאס בלאס. מקדארון אונאס קואנתאס פאלאב'ראס פארה מאנדאר לו קה אסקריב'י מה קרייה בושקאר אונא פאלאב'רה אל דיקסיונריו אי אי קואנדו מאתורני אל קומפיותר קה קה ב'יה? אל קרידו קומפיותר מדיזה "תכנית זו ביצעה פעולה בילתי חוקית והיא תיסגר" אי סין אונה גונתה דה פיאדס מלואנבארו תודו לו קה אסקריב'י!!! יו מפאדלאתיי דה ניירב'וס אי אל ? קון אלגריאס אי חג שמח

טריאנדפילו עכבר העיר ועכבר הכפר

קונטטאס מוי ארמוזו מוי חוש סאנה אי רזייה קה אסטה לה ארמנה דה טו מוז'אר קה ב'אנגאס הקמינאר הלה סיב'דה פור בואנו

../images/Emo178.gif טריאנדפילו טה איזיארון

יום ספורט. אי אמוזוס מוס אפיטו לו מיזמו קואנדו פואימוס אה ב'יז'יטאר אה מי סוב'ריניקה קה פאריו. מוס אנטרימוס אה אסטה חניה אי לה אלמה מוס סאליו פארה טופאר לה סאלידה. סאלימוס אל קניון אי יו פישין אמפסי אה מיראר לאס בוטיקאס אי מימארידו לה פוג'ו לוס איניארב'וס, מדישו אן קאדה לוגאר קאלה קה מטן קניון ב'ן אגורה בושקארמוס לה סאלידה

טריאנדפילו-פרה קה סיינטס ב'וואנו

נו איי אונה פרסונה דל עיר או דל קאזל קה נו ספדיו אין איכילוב אונה דה מי פמייה ב'ינו דה אילת אה איכילוב סרודיו דיא אינטרו אי טורנו האילת יורנדו איז לוגאר פרומלמוזו אי איל דיו קה לה מליזני אטו קוניידה

טרינדפילו מי אנקנטי אה מלדר

לה אב'נטורה סנוס קי סטיס!

סולו אגורה קונטוניי אה מלדאר,

ג'וסטו קומו טי אסקריב'יירון - מסע כומתא, או יום ספורט, נו סה קואלו... סטו סיגורה אי מונצ'וס דה לה סיב'דה נו סה פודייאן טופאר סוס קאמינוס אן אסטה "מבוך" - סרה אסטה לה פאלאב'רה קה בוש'קאטס?? יו נו מה אקודרו קומו סה דיזה. אי אוב'יירון אוטראס פאלאב'ראס קה נו סטו סיגורה קה לאס אינטנדי, אסטו ב'ו אסקריב'יר אין אוטרה אוקאזיון. לה לינגואה טויה אז ריקה אי ארמוזה , טה אגראנדסקו פור אסטו, אי סגורו קה פור לה 'תושיה' - אטראס דה טודו אסטה חאל, יה לה טופאטש', אין פ'ין. סאנה אי רזייה קה אסטייה.

מאסתו ריינדו

דה לו קה אסקריב'י. אוי קה יא מארפוזי דה לאב'אנתורה קה פאסימוס מסב'יה קומו שאקה. אן קאדה קאב'זו, סי מלוקונתאב'אן אמי פור סיגורו קה ממתייה א רייר.

../images/Emo9.gifמה אקודראטס דה לה ריזה

קה מה קאיו, און דיה קה סאלי אה קאמינאר קון מי מארידו, אי אל דיה אנטרו סה פ'ואה אה לה סיידרה. אל פ'ין דל דיה, קה אסטאב'ה טאן נגרו, טורנימוס קון אל טרנו אל סטאסיון, אי..... מה לו טראב'ארון אל אוטו !(גררו) מה קאיו אונה ריזה אן מדיו דה לה קאלז'ה. מי מארידו סה אניירב'ו אי מה דישו: דקה טה אסטאס ריינדו? לה דישי: קואלו מה קדו דה אזר? - סולו דה ריאיר. אי אנסינה טומימוס טקסי אי פ'ואימוס אה טומאר אל אוטו (אי אסטו קוסטה מונצ'אס פאראס). יו אסטו ריאנדו אי מי מארידו קארה דה פימינטון!

אדיו, קומו דה טיימפו פאסאטס אייה

אאוגורו אה לה ארמאניקה דה טו מוז'ר סאנידאד אי טודו בואנו, ב'ו קונטוניאר אה מלדאר לו קה פאסאטש' מאס טאדרה. טודו בואנו אמיגו

../images/Emo6.gifאסטו סה יאמה "מסע כומתה"

קואנדו אונה קוזה אמפסה אה לה סיידרה, סה קרה מונצ'ה פאסנסייה פין קה פאסה קון בואנו. סאנה אי רזיה לה ארמאנה דה טו מוז'ר לו קונטאטס מוי חוש

טריאנדיפולו אן בואנו קה לו קונטס,

פארא אסטו קאדה דמאניאנה סה קאלי דזיר אונאס קואנטאס פאלאבראס פור אקזאמפלו: דיאה בואנו, אזלאחה אי בראכה, ויאז'ה בואנו, קה מוס ואיאמוס קון וידה אי סאלוט, אי קה טורנמוס קון פאס אי אמור, אנסינה לוס דיאס דה אזן קולאי, אה לה אוטרה ווס אקודרה טה. אי אה לה ארמאנה דה טו מוז'ר, אל דיו קה לה מאנדה סאלוט אי טודו בואנו. לו אסקריביטס מוי חוש.

גראסיאיס א תודוס

קה מנדארון סוס אאוגורוס פור מי קוניאדה. קון אל איודו דאל דיו יא סלאב'ה פאסאר תודו אי סב'ה א תורנאר אן סו רגלה. מוצ'אס גראסיאס.

טריאנדפילו סאדה בואנה אמן הטודוס

בואנה קונסזה

פרימרה קוזה אסטו ארוגנדו אל דיו קה טודוס אסטאן סאנוס אין טו פמיליה. אי יו טאן ביין טנגו "סיפורים" ג'וסטו קומו מו לו קונטאטס קומו בידה אה טו קמיון (כארו) אין תימה קה נו טופאטס לוגאר דה חניה נו טיאנס אנטראדו אין לוס קניונים? או אין אל טרמינל בן גוריון. אגורה יה טיינס נסיון יו קה סה נאסידו אין תל אביב מסוב'ן סודורס קואנדו תנגו דה אינטראר אין אסטה סיבדאד. אי קה קיירה איל דיו אלו מאס דה לוס ימי עיון אין מי לאב'ור (תקשורת טלפוניה) לוס אז'ן אין תל אביב קה אס איל צנטרו דה לה פיילה. היידה אמיגו, מנדה סלודס אה טויה חברה לחיים דמי אי דה מוז'ר אנפלאנטטס איל שתיל דה אזיתונה?

ביין ב'נידו יצחק, אי אסקריב'י מוס

טו קונסז'אס ..