נועם ביסט דו דא?

[מוזר]

נועם ביסט דו דא?

 

[מוזר]

די מנהל אין פארום האט זיך פארביטען.

... יידישיסט איז פארשוואונדען, און די משומד איז צוריק אריינגעלאפען אין קלויסטער אריין... און דו שלאפסט! איך האב דיר שוין פיר מאל געפרעגט, האסט מיר ארויפגעצויגען די נייגער צו´ם העכסטען ניווא, און ווי ס´זעהט אויס האסט דו אראפגעשלונגען די צונג. נעם שוין ארויס די שטאפיק פון מויל און דערצייל! מיר זיינען דאך "אייגינע".. __________ (נייגער האט אוועקגעלייגט די קאץ)

 

[נועם סטאריק]

וואס איז די פראגע?

ס´שווינדלט מיר שוין די קאפ פון דיינע פראגעס

אבער איך ווייס אפילו נישט וואס איז דיין פראגע. פרעג איין מאל קלאר און פשוט! דא! איצט!

 

[מוזר]

גאנץ פשוט, פארוואס האסט דו זיך

פאראנטפלעקט?

 

[נועם סטאריק]

ס´איז א גאנצע תורה

אין די ערשטע יארן פון די יידישע פרעסע האבן כמעט אלע שרייבער, באוווסטע און נישט באוווסטע, אונטערגעחתמעט מיט פסעוודאנימען. וואס מער די צייט איז אריבער האבן אט די זעלבע שרייבער אנגהייבן פארלאזן זייערע פסעוודאנימען און אונטערחתמענען מיט זייערע אמתע נעמען. איך מיין אז די עיקר-סיבה פאר דער דערשיינונג איז ווייל אין די ערשטע יארן פון דער יידישער פרעסע האבן זיי זיך א ביסל געשעמט צו מפרסם זיין ווער זיי זענען, ווייל ס´איז געווען אזא "פאלקס-רעדעניש" אז צייטונגען זענען נישט קיין ערנסטע און מכובדיקע פלאץ צו פארעפנטלען ליטערארישע ווערק. פון די זעלבע סיבה האבן אט א די זעלבע שרייבער יא אונטערגשעשריבן זייערע נעמען אין די ביכר וואס זיי האבן פובליקירט, ווייל א בוך איז שוין א ערנסטע מעשה. דאס זעלבסט אין דער אינטערנט. היינט-צו-טאג מיין איך אז איך קען שוין שרייבן מיט מיין רעגולערן נאמען - נועם סטאריק. ס´מיר שוין נישט וויכטיק מ´זאל מיר דערקענען ווי "דער משומד" אדער "ייִדישיסט" און נישט "פנים-מול- פנים". ס´שוין נישטא קיין חשש אז די אינטערנעט איז א נבלה סרוחה און מע דארך זיך באזייטיקן פון איר. דאס איז די גאנצע תורה!

 

[מוזר]

דאס איז די גאנצע ?

איך האב געהאפט אויף עפעס אינטערסאנטערס שוין זאל זיין אזוי...