שלום עליכם, אַלע! Bonjour!

[פּאַריזער ייִד]

שלום עליכם, אַלע! Bonjour!

איך בין זייער צופֿרידן זען אַז עס זענען דאָ פֿיל ייִדיש-רעדערס אין אינטערנעץ. איך וואָלט זייער ליב געהאַט פֿרעגן וועגן עטלעכע ווערטער ווײַל איך האַלט אין איבערזעצן ייִדיש און פֿראַנצייזיש. 1) דער שעדעווער: פֿון וואַנען קומט די וואָרט? מיר קלינגט עס פֿראַנצייזיש. 2) ווי וואָלט איר איבערגעזעצט: comme la vie est lente et comme l´ésperance est violente ? קוקט אַרײַן אַז דאָרטן איז אַן אַליטעראַציע וואָס איז זייער וויכטיק פֿאַרן באַדײַט! 3) עמעצער ווייסט וואָס איז אַ tonnelle de jardin אויף ייִדיש? אַ שיינעם דאַנק און "מערסי"!

 

[קעצעלע]

עליכם-שלום חשובֿער פּאַריזער ייִד|מי

סוף-סוף קומט אַרײַן אַ ביסל קאָסמאָפּאָליטישע אַטמאָספֿער - איך בין אַזוי צופֿרידן!!! לגבי דײַן דריטער פֿראַגע: איך האַלט אַז tonnelle דאַרף זײַן "בעסעדקע" אויף ייִדיש. וועגן די אַנדערע פֿראַגעס דאַרף איך אַ טראַכט טאָן, ווײַל ס´איז נישט אַזוי פּשוט. דאָ איז נישט גענוג סתּם אַרײַנקוקן אין אַ ווערטערבוך. אפֿשר מעג איך פֿרעגן אויב דו ביסט אַליין אַ שרײַבער? מיר קלינגט אַזוי ווי דו ווייסט ממש גוט וועגן ליטעראַטור. אַ דאַנק פֿאַר דײַן איידל ייִדיש, זײַ געזונט!

 

[פּאַריזער ייִד]

רוסיש?! ../images/Emo105.gif

אַ שיינעם דאַנק פֿאַר דײַן גיכן ענטפֿער, קעצעלע פֿאַר וואָס ניצטו דאָס רוסישע БЕСЕДКА ? מען האָט ניט קיין ייִדיש וואָרט אויף דעם? זײַ געזונט

 

[קעצעלע]

פֿאַר וואָס...../images/Emo108.gif

דווקא נישט "בעסעדקע"? אַפֿילו שלום-עליכם ניצט דאָס וואָרט. איך מיין אויך אַז עס איז נישט סתם רוסיש, נאָר אַן אָנגענומענער סלאַוויזם אין ייִדיש, ווי אַ סך אַנדערע ווערטער אויך. אויב מע האָט שוין אַ מאָל אַ פֿראַנצייזישן יײַדישיסט דאָ: אפֿשר ווייסטו וווּ מע קען קויפֿן ניבאָרסקיס נײַעם ייִדיש-פֿראַנצייזיש ווערטערבוך?

 

[ייִדישיסט]

וועגן ניבאָרסקיס וורטערבוך:

לויט ווי וועראַ האָט מיר געענטפֿערט אויף דער זעלבער פֿראַגע – קען מען אים קויפֿן נאָר אין מעדעם-ביבליאָטעק אָדער דורך טעלעפֿאָנירן אַהין צו זיי.

 

[ייִדישיסט]

[תיקון: ווערטערבוך...]

 

[קאַטאָוועס]

מעדעם ביבליאָטעק

Dictionnaire Français-Yiddish, de S. Kerner et B. Vaisbrot, 530 p. Prix : 250 F (38,11 Euro) Pour payer : France : adresser un chèque français obligatoirement à : Bibliothèque Medem 52, rue René-Boulanger 75010 Paris

 

[ייִדישיסט]

שלום-עליכם ר´ ייִד ../images/Emo140.gif

פּששש, סע שוועבט עפּעס וועלטלעכקייט אין אונדזער פֿאָרום, זייער אײַנגענעם. ס´האָט זיך אײַנגעוואָרצלט אַ מנהג אַזאַ אַז יעדער נײַער מיטגלידער דערצייט עפּעס וועגן זײַן שטאַם און פֿון וואַנעט קומט זײַן ייִדיש. ביסט אויך אַײַנגעלאַדנט. [לײַדער קען איך נישט אַרויסהעלפֿן וועגן דײַנע פֿראַגעס, איך קען דאָך נישט קיין פֿראַנצייזיש און אַפֿילו מײַן ייִדיש איז נישט אַזוי אײַ-אײַ-אײַ פּאַראַלעל צו אַנדערע מיטגלידער אין פֿאָרום]

 

[קעצעלע]

נאך א מאל וועגן...../images/Emo108.gif

comme la vie est lente et comme l´ésperance est violente וואס טראכסטו וועגן: דאס לעבן - ןןי ציט עס זיך פאמעלעך, די האפענונג, זי שטורעמט. כאטש די אליטעראציע ווערט פארפאלן.שווער, שווער...