cozy

[קעצעלע]

cozy../images/Emo108.gif

אַ גוטע וואָך! ווער פֿון אײַך ווייס ווי מע וואָלט איבערגעזעצט cozy, coziness אויף ייִדיש? איך דאַרף עס דרינגלעך פֿאַר אַן איבערזעצונג!

 

[מוזר]

היימיש,ווארם

איינגענעם, געשמאק, אינטים... אין וועלכע קאנטעקסט? אפשר איז כדאי שרייבען די זאץ פאר א "פרייע איבערזעצונג? ת"ט דרינגענד, נישט "דרינגלעך"

 

[קעצעלע]

אַ דאַנק, אָבער

... איך דאַרף אַ סובסטאַנטיוו. דרך אַגבֿ, עס הייסט יאָ "דרינגלעך" אויף ייִדיש, dringend אויף דײַטש.

 

[מוזר]

ביטע רעד אין ווערטער פון

ווינציגער ווי דריי זילבען פאר אונז "ישיבה-בוחרים" ס´קען זיין אז ייווא האט אויסגעטראכט אזוי, אין אונזערע קרייזען זאגט מען דרינגענד

 

[נועם סטאריק]

אויסגעטראַכט ?

מוזר, דו ביסט זיך סותר אין דײַנע ווערטער. קודם האָסטו זיך צעשריגן "ת"ט דרינגענד…", דאָס הייסט אַז דו מיינסט אַז ס´איז פֿאַראַן אַ סיסטעם אין שרײַבן און אויסלייג פֿון ייִדיש און איצט שרײַסטו אַז "ייִוואָ בלה בלה בלה…" און דו טענהסט בפֿירוש אַז וויבאַלד בײַ דיר זאָגט מען "דריגענד" דעריבער איז דאָס דער אמתער פֿאָרעם. טול קורה מבין עיניך.

 

[מוזר]

לכבוד הבה"ח נועם...

יעדער ציפ אין ריכטונג ייווא און דו שפרינגסט ווי ס´וואלט געווען דיין אייגענע הויט. בארואיג דיך! איך ווייס איך קען דיר טשעפען מיט דער נושא, אבער די מאל האב איך געמיינט א צווייטע, איז לאז,בסדר? מ´דארף אמאל, ווען דו ביסט שטארק רואיג, אדורכשמועסען ייווא. אוואדע איז דא כללים ס´מוז נאר נישט זיין זייערע. טול קורה... ציטיערסט פון חז"ל,אריסטו האט געזאגט "טו ווי איך זאג און נישט ווי איך טו"... א גוטע וואך

 

[נועם סטאריק]

דרינגלעך, דרינגעלך, עס-אָ-עס ../images/Emo13.gif

אַ גוטן, קעצעלע, אפֿשר קען דאָס זײַן "באַקוועמלעכקייט", "אָנגענעמקייט" ? וואָס זאָגסטו צו דעם?

 

[קעצעלע]

../images/Emo51.gifאַ דאַנק, נועמטשיק,../images/Emo108.gif

פֿאַר דײַן גיכער הילף. יאָ, באַקוועמלעכקייט פּאַסט אויסגעצייכנט אין מײַן איבערזעצונג! איך האָב עס שוין אַרײַנגעשטעלט.

 

[קערבאלע]

ס´ווענדט זיך אינעם קאנטעקסט:

cozy קאן אשטייגער איבערגעזעצט ווערן ווי "היימיש", "בנעימותדיק", "צוגעלאָזט", "געמיטלעך"